Vincenzo Falsetti
IL POETA DEL NAPOLI
Terzurdema cu diciassette punte
è bbenuta ô San Paolo a jucà
facẽnnose pur’Essa male ‘e cunte
e forse ‘o punto ‘o ieva asciänno a ccà!…
“Semplici” ‘e chesta squatra allenatore
sta facenno uno ‘e tutto p’’a sarvà
ma quanno manca ll’uoglio int’’o mutore
pistone e bielle se ponno bruccà…
Nuje vulëvamo fà n’allenamento
e ‘a Spal mmece nce ha fatto surà
è na squatra ca corre e votta ‘o viento
ma si joca accussì se po’ sarvà…
L’Europa league nuje l’ammo snubbata
‘o Lipsia l’amma fatto cunzulà
‘a squatra nosta c’’a “rosa” cuntata
tutt’’e ddoje cose nn’’e pputeva fà!!!
A ogni costo vulimmo ‘o scutetto
a Allegri nuje l’avimmo ntussecà
l’ha da fenì ‘e fà sempe : “ ‘o levo e ‘o metto”
ma ‘o settimo s’’o po’ sulo sunnà!
‘O malu tiempo ha cumpricato ‘e ccose
a lloro ha rato forza e vuluntà
a nuje nce ha rato all’ùrdemo na rosa
pe’ nce fà ncopp’’a tutte riturnà!!!
Giornalista
